Футболдан Бразилияның жолдастық ойыны күтпеген нәтижемен аяқталды

Жапонияның Тёфу қаласында футболдан Жапония және Бразилия ұлттық құрамалары арасында жолдастық кездесу өтті, деп хабарлайды Sport12.kz.

Бес дүркін әлем чемпионы саналатын Бразилия құрамасы бұл ойында айқын фаворит болғанымен, күтпеген жерден 2:3 есебімен жеңіліске ұшырады.

Бірінші таймда ойын тізгінін оңтүстік америкалықтар ұстап, Пауло Энрикенің (26-мин) және Габриэл Мартинеллидің (32-мин) голдарының арқасында 2:0 есебімен алға шықты.

Алайда үзілістен кейін жапондар матчтың бағытын түбегейлі өзгертті. Такуми Минамино (52-мин), Кэйто Накамура (62-мин) және Аясэ Уэда (71-мин) бірінен соң бірі гол соғып, Жапонияны жеңіске жеткізді.

Айта кетейік, екі құраманың да басты мақсаты 2026 жылғы әлем чемпионатына дайындық ретінде саналады.

Біздің серіктес: 200 000 фрибетті ұтысқа саламыз – арнаға жазыл және батырманы бас