Футболдан Қазақстан әйелдер құрамасына кімдер шақыру алды? 

Бас бапкер Мадияр Кембілов Әзербайжанмен өтетін жолдастық матчтарға шақырылған Қазақстан әйелдер құрамасы футболшыларының тізімін жариялады, деп хабарлайды Sport12.kz. 

Жолдастық ойындар 24 және 27 қазан күндері Шымкенттегі Қажымұқан Мұңайтпасов атындағы стадионда өтеді. Ұлттық құрама 15 қазан күні Шымкенттегі БИІК базасында оқу-жаттығу жиынын бастайды. 

Ұлттық құрама сапына 25 ойыншы шақырылды.

Қақпашылар: Аружан Оразбекова («Люботин», Солтүстік Македония), Назым Исмайлова («Томирис-Тұран»), Әсел Ануарбек («Ұлытау»).

Қорғаушылар: Александра Бурова («БИІК-Шымкент»), Қазына Норбаева, Мадина Жанатаева (екеуі де – «Ақтөбе»), Мария Демидова («Минск», Беларусь), Юлия Мясникова (ЦСКА, Ресей), Карина Ботабек («Ұлытау»), Назерке Шалмұханбетова («Қызыл-Жар»), Кристина Шустова, Аделия Бекқожина (екеуі де – «Жеңіс»).

Жартылай қорғаушылар: Карина Жұмабайқызы («Ақтөбе»), Анастасия Низамутдинова («Енисей», Ресей), Карина Берікова («Будучност», Черногория), Ксенья Хайрулина («БИІК-Шымкент»), Эльмира Абдулаева («Қайрат»).

Шабуылшылар: Аида Гайстенова, Әсем Қаражанова (екеуі де – «Ақтөбе»), Әселхан Тұрлыбекова («БИІК-Шымкент»), Әмина Бибосынова («Турбине Потсдам», Германия), Әсел Кубесова, Арайлым Орынбасарова (екеуі де – «Қызыл-Жар»), Анеля Мамырова («Елімай»).

Біздің серіктес: 200 000 фрибетті ұтысқа саламыз – арнаға жазыл және батырманы бас