«Қайрат» клубы маңызды мәлімдеме жасады

 «Қайрат» клубы мен Air Astana компаниясы серіктестік орнатты, деп хабарлайды Sport12.kz

Ол жайында клубтың әлеуметтік желісінде мәлім болды:

««Қайрат» футбол клубы мен Air Astana әуекомпаниясы демеушілік серіктестік келісіміне қол қойды. Келісім аясында Air Astana клубтың ресми әуе тасымалдаушысы атанды.

Серіктестік халықаралық матчтар мен оқу-жаттығу жиындарына команданың ұшу сапарын ұйымдастыруды, сондай-ақ ішкі рейстерге, жүк тасымалына, қажет болған жағдайда чартерлік рейстерге де қарастырылады.

«Қайрат» ФК мен Air Astana бұл серіктестік отандық спорттың дамуына және қазақстандық футболды ілгерілетуге елеулі үлес қосады деп сенеді», - делінген хабарламада.

Айта кетейік, алматылық ұжым Чемпиондар лигасының жалпы кезеңіндегі алғашқы турында Португалияға тегін барып, қайтқан болатын.

Біздің серіктес: 200 000 фрибетті ұтысқа саламыз – арнаға жазыл және батырманы бас