Қазақстандық футбол клубтарында 100-ден аса заңбұзушылық анықталды

Қазақстандық футбол клубтарын тексеру барысында 100-ден аса заңбұзушылық анықталды, деп хабарлайды Sport12.kz. 

Бұл жөнінде ҚР Парламенті Мәжілісінің депутаты Нартай Аралбайұлы мәлім етті.

-2021-2025 жылдары спортты дамытуға бөлінген бюджет қаражатының тиімді жұмсалуын бағалау мақсатында мемлекеттік аудит органдары мен өңірлік тексеру комиссиялары тарапынан 12-ден астам жоспарлы және жоспардан тыс бақылау жұмыстары атқарылды. Бұл жұмыстар аясында кәсіпқой футбол клубтарын қамтитын басқармалар мен мекемелердің қызметі қаралып, 100-ден аса заңбұзушылық (қаржының мақсатсыз жұмсалуы, артық төлемдер, қайталанатын қызметтер мен тиімсіз жоспарлау деректері) тіркелді. Сонымен қатар «Ақтөбе» және «Қызылжар» футбол клубтарына қатысты сыбайлас жемқорлыққа қарсы сараптамалар жасалды.

2025 жылы «Ақтөбе» футбол клубына (Ақтөбе облысы) қатысты облыстық прокуратура жүргізген тексеру нәтижесінде 250 млн теңгеден астам қаржының мақсатсыз жұмсалғаны (ойыншыларға ішкі ережелерсіз сыйақы мен бонустар төлеу, мердігер ұйымдармен шарттар бойынша қызмет бағасын арттыру) анықталды, - деп жазды ол

Біздің серіктес: 200 000 фрибетті ұтысқа саламыз – арнаға жазыл және батырманы бас