Алматыға келген DAZN комментаторы «Қайраттың»матчына бағасын берді

DAZN стриминг-сервисінің комментаторы және TNT Sports телеарнасының тілшісі Эмилиано Регги Алматы қаласы бойынша әсерімен бөлісті, деп хабарлайды Sport12.kz

«Алматыда ең қатты әсер еткен ғимарат - Вознесенский шіркеуі. Өте әдемі. Көрген бойда ойыма келген алғашқы нәрсе сол болды. Сонымен қатар, Алматының Орталық мешіті де дәл сондай жоғары бағаға лайық. Базарға да бардым. Бірақ мені ең көп әсерге бөлеген - Алматы тұрғындары. Өте ақжарқын, көмектесуге, бағыт көрсетуге әрдайым дайын. Тіпті ағылшын тілін білмейтіндері де сондай мейірімді. Мұндай қонақжайлылықты сирек кездестіресің», - деді Эмилиано Регги.

Ол «Қайрат» - «Реал» ойынына да бағасын берді.

«Бірінші таймда «Қайрат» жақсы ойнады. Ал екінші таймда «Реал» жекелеген шебер ойыншылардың арқасында нәтижеге қол жеткізді. Чемпиондар лигасының дебютанты үшін қазақстандық команда өте лайықты көрінді, және менің ойымша, стадионға келген жанкүйерлердің ешқайсысы көңілі қалған жоқ. Әйтсе де Алматы секілді қалаға жаңа заманауи стадион қажет», - деп ол сөзін түйіндеді.

Біздің серіктес: 200 000 фрибетті ұтысқа саламыз – арнаға жазыл және батырманы бас