ҚПЛ: «Тобыл» екінші орын алу мүмкіндігін сақтап қалды

 Қостанайлық «Тобыл» командасы футболдан қазақстан Премьер-лигасы ХХV турында сырт алаңда Талдықорғанның «Жетісуын» тізе бүктірді, деп хабарлайды Sport12.kz.

Қостанайлық команда ел чемпионы атанудан шет қалды. Десе де олардың әлі де екінші орын алуына мүмкіндігі бар. Сондықтан олар бүгінгі кездесуде жеңіске жетуге бар күшін салды.

Кездесу барысында талдықорғандық клубтан Сослан Такулов 4-минутта есеп ашқан еді. Оған қостанайлық командадан Марко Вукчевич 55, Николай Сигневич 66-минутта екі голмен жауап қайырды. Осылайша «Тобыл» қарсыласынан 2:1 есебімен басым түсіп, екінші орын алу мүмкіндігін сақтап қалды.

Дәл қазір «Астана» мен «Ақтөбе» кездесуі өтіп жатыр. Ал 18:00-де «Ордабасы» (Шымкент) пен «Оқжетпес» (Көкшетау) ойнайды.

Аталған турда алматылық «Қайрат» сырт алаңда петропавлдық «Қызылжарды» 1:0 есебімен жеңді. 

Айта кетсек, бүгін «Ұлытау» (Жезқазған) мен «Қайсар» (Қызылорда), «Атырау» мен «Жеңіс» (Астана) 1:1 есебімен тең түссе, түркістандық «Тұран» өз алаңында семейлік «Елімайға» 3:6 есебімен есе жіберді. 

Біздің серіктес: 200 000 фрибетті ұтысқа саламыз – арнаға жазыл және батырманы бас