«Челси» капитаны мен Дастан Сатпаев тең нәтиже көрсетті

Белгілі спорт журналисі Александр Троицкий қазақстандық шабуылшы Дастан Сатпаевтың көрсеткіштерін лондондық «Челсидің» жастар командасының капитаны Шим Меукамен салыстырды.

«17 жастағы ағылшын, «Челси» жастар командасының капитаны Шим Меука осы маусымда 17 гол соқты. Дәл осындай көрсеткіш — оның құрдасы, «Қайрат» шабуылшысы Дастан Сатпаевта да бар. Салыстырып көрейік», — деп жазды Троицкий.

Меуканың статистикасы:

• «Челси» U-21 — 6 гол (7 матчта)
• «Челси» U-19 (Жасөспірімдер ЛЧ) — 4 гол (2 матчта)
• Англия U-19 — 7 гол (5 матчта)

Сатпаевтың көрсеткіші:

• КПЛ — 13 гол (25 матчта)
• УЕФА Чемпиондар лигасы — 3 гол (7 матчта)
• Қазақстан кубогы — 1 гол (2 матчта)

«Ол «Челси» академиясында ойнаса, нәтижесі кем болмайтын еді», — деп түйіндеді журналист.

Айта кетейік, келесі жылы жазда Дастан Сатпаев ресми түрде «Челси» клубының құрамына қосылмақ.

Біздің серіктес: 200 000 фрибетті ұтысқа саламыз – арнаға жазыл және батырманы бас