Бахтиер Зайнутдиновтың алаңға оралатын күні белгілі болды

Қазақстан құрамасы мен Мәскеудің «Динамо» клубының қорғаушысы Бахтиер Зайнутдинов жарақатынан айығып, Ресей чемпионатындағы «Зенитке» қарсы матчқа дейін қатарға оралуы мүмкін.

— Бахтиер соңғы ойында бұлшық етінде жайсыздық сезінді, сондықтан Ресей кубогындағы «Крылья Советовқа» қарсы кездесуге дайындалмады. Қазір барлық қажетті процедуралар жүргізілуде. Алдағы екі күнде жағдайына қараймыз. Антон Миранчук «Зенитке» қарсы ойынды нақты өткізіп алады, ал Бахи бойынша шешімді бейсенбі немесе жұмада қабылдаймыз, — деді «Динамо» дәрігері Александр Родионов.

Айта кетейік, 19 қазанда Ресей Премьер-лигасының 12-турында «Ахматқа» (2:2) қарсы ойында Зайнутдинов жамбас бұлшық етінен жарақат алып, алаңнан мерзімінен бұрын кетуге мәжбүр болды.

Біздің серіктес: 200 000 фрибетті ұтысқа саламыз – арнаға жазыл және батырманы бас