Қазақстан құрамасына жаңа бапкер келді

Қазақстанның 21 жасқа дейінгі жастар құрамасына жаңа бапкер келді. Андрей Ферапонтов уақытша бас жаттықтырушы міндетін атқарушы болып тағайындалды.

49 жастағы маман командамен бірге Еуро-2027 іріктеу кезеңінің қарашадағы екі ойынында жұмыс істейді — 14 қараша күні Словакиямен сырт алаңда, ал 17 қарашада Молдоваға қарсы өз алаңында кездеседі.

Ферапонтов биылғы маусымда «Оқжетпес» клубын басқарған, бұған дейін «Мақтааралда» да жұмыс істеген. Ол үш рет Қазақстанның бірінші лигасының чемпионы атанған — «Оқжетпеспен» (2014 және 2024 жж.) және «Іле-Саулетпен» (2012 ж.).

Айта кетейік, бұған дейін жастар құрамасының бас бапкері Денис Мамонов отставкаға кеткен еді. Оның жетекшілігімен команда қатарынан төрт матчта жеңіліп, Еуро-2027 іріктеуінде Англияға (0:2) және Андорраға (0:1), сондай-ақ жолдастық кездесулерде Өзбекстан U-20 құрамасына (0:1 және 1:3) есе жіберген.

Біздің серіктес: 200 000 фрибетті ұтысқа саламыз – арнаға жазыл және батырманы бас