«Қайрат» Чемпиондар лигасындағы миллиондарды трансферге емес, неге жұмсамақ?

Алматының «Қайраты» Чемпиондар лигасында тапқан қаражатын трансферлерге емес, ел футболының болашағына бағыттауды шешті. Клуб жуық арада Алматы қаласында жаңа заманауи футбол академиясын салуды жоспарлап отыр.

Бұл туралы журналист Эльдар Аманбаев хабарлады. Оның айтуынша, клуб басшылығы бұл бастаманы стратегиялық жоба ретінде қарастырып, жас буынды тәрбиелеу мен инфрақұрылымды дамытуға басымдық бермек.

«Қайрат» Чемпиондар лигасының негізгі кезеңіне шыққаны үшін 11,6 миллиард теңге (18,63 млн еуро) көлемінде табыс тапты. Ал Кипрдің «Пафосымен» (0:0) өткен тарихи тең ойын клуб қазынасына тағы 476,5 миллион теңге (700 мың еуро) түсірді.

UEFA регламентіне сәйкес, топтық кезеңдегі әрбір жеңіс 2,1 миллион еуро, ал тең нәтиже 700 мың еуро көлемінде бағаланады. Осылайша, алматылықтар алдағы матчтарда жақсы нәтиже көрсетсе, табысын еселеуге мүмкіндік бар.

Қазіргі таңда «Қайрат» үш тур қорытындысы бойынша 1 ұпай жинап, 36 команданың ішінде 34-орында тұр.

Біздің серіктес: 200 000 фрибетті ұтысқа саламыз – арнаға жазыл және батырманы бас