Ислам Чесноков АПЛ клубтарының назарына ілікті

«Хартс» клубының бұрынғы қорғаушысы және Литва құрамасының экс-ойыншысы Саулюс Миколюнас қазақстандық Ислам Чесноковтың болашағына жоғары баға беріп, оны Англия Премьер-лигасына өтуге әлеуеті бар футболшы деп атады.

«Егер сен Ұлыбританияға келсең, барлық скауттардың назарына ілігесің және АПЛ-ға бір қадам жақындайсың. Егер Ислам өзін “Хартста” жақсы қырынан көрсетсе, әлемнің үздік лигасына жол ашылады. Қалған қазақстандық ойыншылар да өз мүмкіндігін төмен бағаламауы керек. Сіздердің құрамаларыңыздың Шотландияны 3:0 есебімен жеңгенін еске алыңыз — бұл елде үлкен таланттар өсіп келеді», — деді Миколюнас.

Айта кетейік, «Хартс» 25 жастағы Қазақстан құрамасының шабуылшысымен еркін агент ретінде келісімге келді. Бұл — Исламның Еуропадағы екінші тәжірибесі. Бұған дейін ол Беларусьтің «Белшина» клубында ойнаған.

Еске сала кетейік, 2019 жылы Қазақстан құрамасы Михал Билектің жетекшілігімен Еуро-2020 іріктеу кезеңінде Шотландияны 3:0 есебімен жеңген болатын. Сол ойында Юрий Перцух, Ян Вороговский және Бахтиер Зайнутдинов гол соқты.

Біздің серіктес: 200 000 фрибетті ұтысқа саламыз – арнаға жазыл және батырманы бас