Қазақстандық төрешілер УЕФА Конференциялар лигасында матч өткізеді

Қазақстандық төрешілер УЕФА Конференциялар лигасының матчына тағайындалды. Бұл — еліміздің футболдағы төрешілер корпусы үшін маңызды әрі беделді халықаралық мойындау.

6 қараша күні Түркияның Самсун қаласында өтетін «Самсунспор» – «Хамрун Спартанс» кездесуін қазақстандық бригада басқарады.

Бас төреші — тәжірибелі Болат Сәриев, ал оған көмекші ретінде Сергей Васютин мен Денис Лабашов қызмет етеді. Резервтік төреші міндетін Арман Исмуратов атқарады.

VAR жүйесіне ағылшын маманы Даррен Ингланд жауап берсе, AVAR қызметін қазақстандық Данияр Сахи атқарады.

Бұл тағайындау — отандық төрешілердің кәсіби деңгейінің өсіп келе жатқанын және халықаралық сенімге ие екенін көрсетеді.

Біздің серіктес: «Ойна, болжа, қатыс!»