«Қайсар» қаржылық дағдарысқа ұшырап, трансферлік шектеуге тап болуы мүмкін

Қызылордадағы «Қайсар» клубында қаржылық қиындықтар ушықты — футболшыларға, бапкерлер құрамына және әкімшілік қызметкерлерге қарыздар қалған.

Бұрынғы легионерлер клуб алдындағы міндеттемелер орындалмағаны үшін ФИФА-ға ресми шағым түсірген. Нәтижесінде «Қайсар» қайтадан трансферлік бан алу қаупімен бетпе-бет келуі мүмкін.

Қазіргі құрамдағы ойыншыларға келесі маусымға қатысты клубтан ақпарат түспеген, алайда олардың көпшілігі Премьер-лигадағы басқа клубтардан ұсыныстар алған.

Клуб құрылымында да қиындықтар бар: кейбір бапкерлер мен қызметкерлер қашықтықтан жұмыс істеуге ауыстырылып, басқалары шексіз демалысқа жіберілген.

Сондай-ақ, жақында «Қайсар» жаңа иесі — меценат Исламгали Козбақов басқаруына өтті.

Біздің серіктес: «Ойна, болжа, қатыс!»