6 күн бұрын
Ғалымжан Кенжебекке қызығушылық білдірген командалар саны бесеуге жетті
Фото: ҚФФ
Қазақстандық футболшы Ғалымжан Кенжебекке Еуропаның қай клубтары қызығушылық білдіріп жатқаны белгілі болды, деп хабарлайды Sport12.kz.
Бұл ақпарат спорттық ақпарат көздері арқылы анықталды.
Қазір оған қызығушылық білдірген командалар қатарында Португалияның «Риу Аве», Чехияның «Виктория Пльзень», Грекияның «Олимпиакос», ПАОК, Шотландияның «Даниди Юнайтед» бар.
Қазақстан құрамасының жартылай қорғаушысы 2003 жылы Тараз қаласында дүниеге келген. Алматылық «Қайрат» командасы академиясында тәлім алған ол үлкен футболдағы алғашқы қадамын 2020 жылы аталған клубтан бастады. Одан кейін «Мақтарал» (Түркістан облысы), «Жеңіс» (Астана), кипрлік «Акритас Хлоракас», словакиялық «Кошице» клубтарында доп тепті.
Қазақстан ұлттық құрамасы сапындағы алғашқы кездесуін 2024 жылы өткізді. Қазірге дейін алты ойында бір голдың авторы атанды. Сондай-ақ ол еліміздің 17, 19, 21 жасқа дейінгі жасөспірімдер және жастар құрамаларында ойнады.
Біздің серіктес: 200 000 фрибетті ұтысқа саламыз – арнаға жазыл және батырманы бас
