Луиш Нанидің «Ақтөбедегі» болашағы белгілі болды

Португалиялық жұлдызды футболшы Луиш Нани «Ақтөбе» клубының орналасқан жеріне келді. Бүгін ол ресми түрде командаға таныстырылады.

Алайда Нани бүгін өтетін ресейлік «Роторға» қарсы жолдастық кездесуге қатыспайды. Сондай-ақ жанкүйерлерге Испаниядан келген жаңа ойыншы Альваресті назардан тыс қалдырмау ұсынылады. Егер бас бапкер Игор Костов мүмкіндік берсе, ол алаңға шығуы мүмкін.

Айта кетейік, «Ақтөбе» мен «Ротор» арасындағы матч Түркияның Анталья қаласында өтеді. Кездесу Қазақстан уақытымен 19:00-де басталады.

Еске салсақ, өткен маусымда Қазақстан Премьер-Лигасында «Ақтөбе» бесінші орынға тұрақтаған еді. Жақында клубтың жаңа иесі ретінде кәсіпкер Нұрлан Артықбаев келді. Forbes дерегінше, оның байлығы 228 миллион долларды құрайды. Қазіргі трансферлік кезеңде «Ақтөбе» ҚПЛ-дегі ең көп талқыланып жатқан клубтардың біріне айналды.

Біздің серіктес: «Ойна, болжа, қатыс!»