«Астана» мен «Шахтердің» бұрынғы жұлдызы футболмен қоштасты

Бұрынғы «Астана» мен «Шахтер» клубтарының жартылай қорғаушысы Роджер Каньяс ресми түрде футболшы мансабын аяқтағанын хабарлады.

— Мен ресми түрде футболшы мансабымды аяқтадым және әлі қандай жұмысқа бет бұратынымды білмеймін. Қазір Колумбияда тыныш өмір сүріп жатырмын, — деді Каньяс.

Еске сала кетейік, Колумбия жастар құрамасының бұрынғы ойыншысы Қазақстан Премьер-Лигасында 220 матч өткізіп, төрт чемпиондық титулға қол жеткізген. Сондай-ақ ол «Ордабасы» және «Иртыш» командаларында ойнаған.

35 жасар Каньяс соңғы рет «Шахтер» сапында 2024 жылдың соңында өнер көрсеткен.

Біздің серіктес: Бізге тіркел!