8 сағат бұрын
Асхат Сейсембек «Ордабасыда» қызмет атқармайтын болды
Фото: «Ордабасы» футбол клубы
«Ордабасы» футбол клубы Асхат Рашидұлы Сейсембекке клуб президенті қызметіндегі еңбегі үшін алғыс білдірді, деп хабарлайды Sport12.kz.
Бұл жөнінде команданың баспасөз қызметі мәлім етті.
- Асхат Рашидұлы қызметке ұйымдастырушылық және қаржылық тұрғыдан күрделі кезеңде кірісті. Оның басшылығы кезінде басқару үлгісі жүйелі түрде қайта қаралып, клуб қызметінің тұрақтылығы қамтамасыз етілді және алдағы кезең-кезеңімен дамудың негізі қаланды. Аталған уақытта бірқатар инфрақұрылымдық жобалар жүзеге асырылды. Стадионға реконструкция жүргізіліп, материалдық-техникалық база жаңғыртылды. Маңызды қадамдардың бірі – «Ордабасы» футбол клубының жеке оқу-жаттығу базасының ашылуы болды. Бұл клубтың ұзақ мерзімді даму стратегиясын нығайтуға мүмкіндік берді. «Ордабасы» футбол клубы Асхат Рашидұлына алдағы кәсіби қызметінде табыс пен жаңа жобалардың сәтті жүзеге асуын тілейді, - деп жазылған хабарламада.
Асхат Сейсембек 2024 жылдың 3 маусымынан бастап «Ордабасы» клубының президенті қызметіне кіріскен еді.
Біздің серіктес: «Ойна, болжа, қатыс!»
