«Қайсар» клубына қанша ақша берілетіні белгілі болды

Қызылорда облысының әкімдігі 2025 жылдың қазан айының соңында жекеменшік басқаруға өткен қызылордалық «Қайсар» футбол клубын ұстау және дамыту үшін шамамен бір миллиард теңге бөлуді жоспарлап отыр, деп хабарлайды Sport12.kz.

Қызылорда облысының дене шынықтыру, спорт және туризм басқармасы спорт клубының қызметтерін көрсетуге қатысты қосылған құн салығынсыз шамамен 858 млн теңге сомасына тендер жариялады. Лот 19 ақпанға дейін белсенді.

Тендерлік құжаттамаға сәйкес, қаржыландыру клубтың толыққанды жұмыс істеуін қамтамасыз етуді қамтиды. Атап айтқанда, спорттық дайындықты ұйымдастыру және «Қайсар» командаларының Қазақстан Премьер-лигасы чемпионатына, Қазақстан Республикасының Екінші лига командалары арасындағы біріншілікке және Қазақстан Кубогына қатысуы көзделген. Әр команда үшін Қазақстанда да, шетелде де кемінде екі оқу-жаттығу жиынын өткізу жоспарланып отыр.

Біздің серіктес: «Ойна, болжа, қатыс!»