Роналдудың экс-сүйіктісі күтпеген шындықты айтты

Ағылшын радиожүргізушісі әрі модель Джемма Аткинсон бұрын кездескен португалиялық футболшы Криштиану Роналду туралы жағымсыз пікір айту үшін өзіне қомақты қаржы ұсынылғанын мәлімдеді, деп хабарлайды sport12kz.

Аткинсонның айтуынша, олардың қарым-қатынасы аяқталғаннан кейін кейбір басылымдар одан Роналду жайлы теріс пікір білдіруді сұрап, үлкен ақша ұсынған. Алайда ол мұндай ұсыныстан бас тартқан.

«Біз ажырасқан кезде маған ол туралы жаман айту үшін көп ақша ұсынды. Бірақ мен бұған келіспедім. Ол жайлы айтар жаман сөзім болған жоқ және ондай әрекетке себеп те көрмедім», – деді Аткинсон Key 103 радиостанциясына берген сұхбатында.

Оның сөзінше, олардың қарым-қатынасы 2007 жылдың қазан айында бейбіт түрде аяқталған. Сол кезде Роналду Манчестер Юнайтед клубының намысын қорғап жүрген еді. Аткинсон төрт айға созылған қарым-қатынас барысында футболшының өзін әрдайым құрметпен ұстағанын атап өтті. Дегенмен, таблоид басылымдар одан «ажырасу тарихын» сатып, сенсациялық мәлімдеме жасауын талап еткен.

Қазіргі уақытта Роналду Сауд Арабиясының Аль-Наср клубында өнер көрсетеді. Ол 2016 жылдан бері модель Джорджина Родригеспен қарым-қатынаста. Жұлдызды жұп бес баланы тәрбиелеп отыр.

Біздің серіктес: «Ойна, болжа, қатыс!»