«Барселона» бапкері маңызды матч алдында құпияны жариялады

«Барселона» клубының бас бапкері Ханс-Дитер Флик Чемпиондар лигасының 1/8 финалы аясында «Ньюкасл Юнайтедке» қарсы өтетін алғашқы ойын алдында өз пікірін білдірді.

Маманның айтуынша, ағылшын клубы өте қарқынды әрі агрессивті ойын стилімен ерекшеленеді. Сондықтан каталондық ұжым қорғаныста барынша мұқият әрекет етуі керек.

«Ньюкасл» өте жақсы ойнайды. Олар жеке-жеке прессингке белсенді шығып, шабуылдарды жылдам ұйымдастырады. Біз қорғаныста аса мұқият болып, батылдық пен өзімізге деген сенімді көрсетуіміз керек. Бұл қарсыластықта екі ойынның нәтижесі есепке алынады. Біз мұны «Атлетикоға» қарсы Испания кубогындағы матчтардан жақсы түсіндік», – деді Флик.

Бапкер команда ішінде өткен ойындарды мұқият талдағандарын атап өтті. Оның айтуынша, каталондықтар қорғаныс ойынын жақсартуға ерекше көңіл бөлген.

Сонымен қатар Флик Англия Премьер-лигасының деңгейі өте жоғары екенін айтты.

«Премьер-лига – әлемдегі ең үздік чемпионат. Ол шынымен керемет деңгейде өтеді. Біз де қарсыласымыз сияқты мықтымыз. Сондықтан өз философиямызбен ойнап, оны бүкіл әлемге көрсетуіміз керек», – деді маман.

Айта кетейік, командалар арасындағы жауапты кездесу 18 наурызда өтеді. Ал турнирдің финалы 2026 жылдың 30 мамырында Будапешт қаласындағы «Пушкаш Арена» стадионында ұйымдастырылады.

Біздің серіктес: «Ойна, болжа, қатыс!»