Стивен Джеррард Тренттің шақырылмауына таңғалды

Англия құрамасының бұрынғы капитаны Стивен Джеррард ұлттық командаға Трент Александер-Арнольдтың шақырылмауына байланысты пікір білдірді.

— Мені Тухельдің Трентті тізімге қоспағаны қатты таңғалдырды. Ол Англияның үздік 35 ойыншысының қатарына кіре ме? Әрине, кіреді. Қорғанысы тығыз командаларға қарсы матчтарда бізге ойынды пас арқылы бастай алатын футболшылар қажет, ал ол дәл сондай ойыншы, — деді Джеррард.

Англия құрамасының алдағы жолдастық кездесуіне бас бапкер оң қаптал қорғаушысы Трент Александер-Арнольдты тізімге қоспаған еді.

Біздің серіктес: «Ойна, болжа, қатыс!»