25.06.2023
Александр Бублик финалда әлемнің жетінші ракеткасымен күш сынасады
Александр Бублик
Қазақстандық теннисші Александр Бублик Германияның Галле қаласында өтіп жатқан ATP 500 турнирінің финалында әлемдік рейтингте жетінші орында тұрған ресейлік Андрей Рублевпен шеберлік байқасады.
Жартылай финалда Рублев испаниялық Роберто Баутиста-Агутаны (АТР рейтингінде 23-ші) ұтты – 6:3, 6:4.
Бублик, өздеріңіз білетіндей, 1/2 финалда неміс теннисшісі Александр Зверевтен (АТР рейтингінде 22-орын) айласын асырды – 6:3, 7:5.
Рублев пен Бублик арасындағы ақтық бәсеке 25 маусымда өтеді.
Айта кетейік, бұл әлемдік рейтингте 48-орынға табан тіреген қазақстандық үшін ATP 500 санатындағы турнирдің алғашқы финалы.
