25.06.2023
Александр Бублик Германиядағы турнирдің жеңімпазы атанды
Александр Бублик
Еліміздің бірінші ракеткасы Александр Бублик Германияның Галле қаласындағы турнирдің чемпионы атанды.
Финалдық ойында Бублик 6:3, 3:6, 6:3 есебімен Андрей Рублевті жеңіп, алғаш рет АТР 500 санатындағы жарыстың жеңімпазы болды.
Матч бір сағат 35 минутқа созылды.
Турнир жеңімпазы ретінде Бублик 410 515 еуро мен 500 рейтингтік ұпайға ие болды.
Осы жеңістен кейін Александр әлемдік рейтингте 21 саты жоғарылап, АТР рейтингінде 27-орынға көтеріледі.
