29.06.2023
«Мақтаарал» грузиялық футболшымен толықты
Лаша Парунашвили
Атакенттік «Мақтаарал» 30 жастағы грузиялық жартылай қорғаушы Лаша Парунашвилимен келісімшартқа отырғанын хабарлады.
Ойыншы атакенттік клубқа еркін агент ретінде ауысты.
Парунашвили - «Сабурталоның» түлегі. Грузияның «Металлург», «Сиони», «Динамо Тбилиси», «Цхинвали» сияқты клубтарында өнер көрсетті. 2017 жылдың ақпанында ол «Эсбьергпен» келісімшартқа отырды. Ол өткен жылдың тамыз айында «Сабурталоға» оралғанға дейін даниялық клубта бес жарым жыл ойнады.
Сондай-ақ Лаша Парунашвили Грузия құрамасының жейдесінде 2 матч өткізді.
