Испания Еуропа чемпионаты финалына шықты

Жартылай финалдағы алғашқы кездесуде Испания мен Франция шеберлік байқасты, деп хабарлайды Sport12.kz.

Ойын барысында франциялық Килиан Мбаппе 9-минутта әріптесі Рандаль Коло Муаниге әуелете пас шығарып берді. Оны Рандаль Коло Муани баспен қақпаға бағыттап, өз құрамасын алға шығарды.

Испания құрамасынан 16-жастағы Ламин Ямалдың 21-минутта алыстан бағыттаған добы Франция қақпасының торында тулап жатты. 

Ал 25-минутта испаниялық Дани Ольмо көздеген нысанадан мүлт кеткен жоқ. 

Осылайша Испания қарсыласын 2:1 есебімен жеңіп, 12 жылдан кейін финалға жолдама алды.

Енді 11 шілдеде тағы жартылай финалда Англия мен Нидерланд құрамалары кездеседі.