01.03.2023
Футбол аңызы Жюст Фонтен 89 жасында өмірден өтті
Жюст Фонтен
Франция құрамасының бұрынғы шабуылшысы, бір әлем чемпионатында соғылған голдар саны бойынша рекордсмен Жюст Фонтен 1 наурыз күні таңертең 89 жасында қайтыс болды, деп хабарлайды L'Equipe.
Фонтен марокколық «Касабланка», франциялық «Ницца», «Реймс» клубтарында доп тепкен. Төрт дүркін Франция чемпионы (1956, 1958, 1960, 1962), екі дүркін Франция кубогінің (1954, 1958) және Суперкубогінің (1958, 1960) иегері атанды.
Франция құрамасы үшін өткізген 21 матчта 30 гол соққан. 1958 жылғы әлем чемпионатында 13 мәрте қарсылас қақпасынан саңылау тапты. Бұл жетістігін әлі күнге дейін ешкім қайталай алмауда.