18.08.2024
«Ордабасы» он ойыншымен «Шахтерді» жеңіп кетті
![«Ордабасы» он ойыншымен «Шахтерді» жеңіп кетті](https://sport12.kz/static/images/news/985553168db0304d964d0d15662a6a35.jpg?6341fdf2f2abd08a4cdcb86b82891f92)
Бүгін футболдан Премьер-лига командалары арасындағы ел біріншілігінің 17-турындағы тағы екі ойынның нәтижесі белгілі болды.
Шымкенттің «Ордабасы» командасы сырт алаңда Қарағандының «Шахтер» командасымен шеберлік байқасты. Ойын барысында олардың қатарынан 35-минутта Джасурбек Яхшибоев өзінің еншісіне жазса, қарағандылық клубтан 51-минутта Милан Джокич таразы басын теңестірді.
Одан кейін шымкенттік командадан Артем Беседин 58, Джасурбек Яхшибоев 60-минутта екі гол соқса, «Шахтер» сапынан Дмитрий Лисакович 77-минутта есеп айырмасын қысқартты.
Бұл кездесуде «Ордабасы» 3:2 есебімен жеңіске жетті.
Сондай-ақ тағы бір кездесуде қостанайлық «Тобыл» сырт алаңда Талдықорғанның «Жетісуын» 3:0 есебімен тізе бүктірді.
Бұл ойында қостанайлық командадан Руй Кошта 2, Ислам Чесноков 40 (пенальти), 50-минутта гол соқты.
Енді аталған турда 20:00-де «Ақтөбе» мен «Қайсар» (Қызылорда) жасыл алаңға шығады.
Ал 17 тамызда «Елімай» «Тұранды» 6:0, «Қайрат» «Қызылжарды» 1:0 есебімен жеңді.
![](https://sport12.kz/static/images/banners/84941767ae2492f344cc0a89bcdfbb5a.jpg?4bb428d3ee98455ef4a45afc261ae29b)