Теннистен US Open турниріне қатысатын қазақстандық теннисшілер анықталды

АҚШ-тың Нью-Йорк қаласында теннистен US Open турниріне қатысатын қазақстандық теннисшілер анықталды, деп хабарлайды Sport12.

Аталған турнирдің іріктеу кезеңінде еліміздің атынан ерлерден 5 теннисші бақ сынайды. Ширек финалда әлемнің 121-ші ракеткасы Михаил Кукушкин аргентиналық Марко Трунгеллитимен кездеседі. Қарсыласы әлемдік рейтингте 142-ші орында келеді.

Ал Денис Евсеев (әлемдік рейтингте 184-орында) эквадорлық Альваро Гильеном Месомен (әлемдік рейтингте 215-орын шеберлік байқасады.

Ел құрамасынан Дмитрий Попконың (187-орын) қарсыласы - аргентиналық Тьяго Агустина Тиранте (96-орын).

Сондай-ақ Тимофей Скатов (№192) аргентиналық Факундо Баньис (№129), Бейбіт Жұқаев (№218) швейцариялық Марк-Андреа Хюслермен (№205) ойнайды. 

Ал қыздарда Зарина Дияс (№580) кореялық Есин Мамен (№209) шеберлік байқасады.