23.08.2024
Бокстан жастар құрамасы Үндістанда бірлескен оқу-жаттығу жиынын өткізді
Olympic.kz
Қыздар боксынан Қазақстан командасы Үндістанда жаттығу жиынын өткізді, деп хабарлайды Sport12 сайты Olympic.kz-ке сілтеме жасап.
Аға жаттықтырушы Жангелді Ахметов бастаған әйелдер боксынан Қазақстан жастар командасы үнді спортшыларымен тәжірибе алмасып, екі апталық жиынға қатысты.
Құрама сапындағы 12 боксшы күнделікті жаттығудан бөлек, 4 рет спаррингтік жекпе-жектер де өткізген.
Бұл қазан айында өтетін әлем чемпионатына дайындық кезеңі. Елдегі бір апталық демалыстан соң, боксшы қыздар Польшадағы халықаралық турнирге аттанады.