Бахтиер Зайнутдинов «Бешикташ» сапына кете ме?

Қазақстандық қорғаушы Бахтиер Зайнутдинов бұл маусымда «Бешикташ» сапында ойнай алмайды. Оның келісім-шарты 2027 жылға дейін жасалғанына қарамастан команда құрамына ене алмай келеді, деп хабарлайды Sport12.kz.

Бас бапкер Джованни ван Бронкхорст оны оқу-жаттығу жиынына қосқан жоқ. Сондай-ақ ол ресми матчтарға қатысатын футболшылар тізімінен тыс қалып жүр.  

Бахтиер Зайнутдинов ыстанбұлдық клубпен 2023 жылдың 18 тамызында келісімшартқа қол қойды. Ол 2027 жылдың 30 маусымына дейін жаңа командасы құрамында ойын көрсете алады.

Бактиер Зайнутдинов 1998 жылдың 2 сәуірінде дүниеге келген. Бұған дейін қазақстандық «Тараз», «Астана», Ресейдің «Ростов» және ЦСКА командаларының намысын қорғады.