6 қыркүйекте «Ақтөбеге» жаңа бапкер келеді 

«Ақтөбе» командасына жаңа бапкер 6 қыркүйек күні таныстырылады. 

Бұл жөнінде «Серый кардинал» телеграм арнасында жазылды. 

Сол күні шетелдік футболшылардан басқа команданың негізгі құрамы жиналады. Оларға бапкердің міндетін атқаратын маман таныстырылады. Оның аты-жөні әзірге белгісіз.  

Айта кетсек, бұдан бұрын «Ақтөбе» футбол клубы өзара келісім аясында Дмитрий Владимирович Парфеновпен арадағы келісім-шартты үзіскенін ресми хабарлады.

31 тамызда «Ақтөбе» өз алаңында Семейдің «Елімай» командасына 1:3 есебімен жол берді.

Жыл басында 49 жастағы ресейлік маман «Ақтөбе» тізгінін ұстады. Қазір команда турнирлік кестеде екінші орында тұр.

Сондай-ақ Парфеновтың басшылығымен команда Қазақстан Кубогінің финалына шықты. Мамыр айының «Үздік бапкері» жүлдесін жеңді.