07.09.2024
Футзалдан Қазақстан құрамасы Алматыда Аргентинамен шеберлік байқасады
Сурет Қазақстан футбол федерациясы
Ертең, 8 қыркүйек күні Алматы қаласында футзалдан Қазақстан мен Аргентина құрамалары арасында жолдастық матч өтеді.
Кездесу елордалық уақытпен 19:00-де басталады.
Футзалдан Аргентина құрамасы әлемде тәжірибелі команданың бірі саналады. Олар дүбірлі додаға 10 мәрте қатысты. 2016 жылы әлем чемпионы атағын жеңіп алса, 2021 жылы қола жүлдеге қол созды. Оңтүстік Америка құрлығында үш мәрте жеңіс тұғырына көтерілген.
Айта кетсек, биыл 14 қыркүйек пен 6 қазан аралығында Өзбекстанда өтетін әлем чемпионатында ел құрамасы Испания, Ливия және Жаңа Зеландиямен шеберлік байқасады.
Ал Аргентина құрамасы С тобында Украина, Ауғанстан және Анголамен ойнайды.
