14 сағат бұрын
Бокстан Қазақстан құрамасының бапкерлер құрамы жасақталды
Сурет Olympic.kz.
Бокстан Қазақстан құрамасының бапкерлер құрамы жасақталды. Бұл мамандар еліміздің былғары қолғап шеберлерінің алдағы оқу-жаттығу жиынында басшылық жасайды.
2024 жылғы Париж Олимпиадасындағы сәтсіздігінен кейін ұлттық құрама тізгіні Қайрат Сәтжановқа сеніп тапсырылды.
Қазақстан бокс федерациясының хабарлауынша, енді Асқар Еркебаев аға жаттықтырушы қызмет атқарса, Ілияс Оралбеков, Нұркен Андасов, Азамат Мақажанов, Талғатбек Жакпеков, Нұржан Насанов жаттықтырушы болады.
Сондай-ақ құрама сапына білікті маман, диетолог-нутрициолог Александр Усик, Василий Ломаченко, Теофим Лопез, Теренс Кроуфорд сынды мамандар қосылды. Оған қоса жүзден астам кәсіпқой боксшымен жұмыс істеген Александр Фока ұлттық құрамаға көмектесуде.
Айта кетсек, жоғарыда көрсетілген бапкерлер тізімі әлі де толықтырылады. Нақты шешім желтоқсан айында өтетін Қазақстан чемпионатынан кейін қабылданады.