2 сағат бұрын
Шаңғымен тұғырдан секіруден Сергей Ткаченко төртінші орын алды
Фото: Спортты дамыту дирекциясы
Эстонияның Отепа қаласында шаңғымен тұғырдан секіруден кезекті FIS Кубогы өтті.
Бұл сында біздің Сергей Ткаченко 235.8 ұпай жинап, 4-сатыдан көрінді. Отандасымыздың үздік үштікке кіруіне 0,3 балл жетпей қалды.
Сондай-ақ ел намысын қорғаған Никита Девяткин 19-шы, Мағжан Амангелдіұлы 25-орыннан көрінді. Барлығы бұл кезеңде 30 спортшы сынға түсті.
Бұл FIS Кубогын шаңғы спорт түрлеріне жетекшілік ететін халықаралық федерация әр маусымда спортшыларға рейтинг ұпайын беру үшін апта сайын өткізеді.
