14.10.2024
Михаил Кукушкин Алматыдағы ATP 250 турнирін сәтті бастады
Фото: Қазақстан теннис федерациясы
Қазақстандық теннисші, әлемнің 103-ракеткасы Михаил Кукушкин Алматыда алғаш рет өтіп жатқан ATP 250 турнирінің іріктеу сайысын жеңіспен бастады.
Іріктеу додасының 2-ракеткасы болып тіркелген Кукушкин дүниежүзілік рейтингіде 237-орында тұрған өзбекстандық Хумаюн Сұлтановтың мысын басты.
Михаил іріктеу сайыстарының финалында әлемнің 195-ракеткасы, ресейлік Алибек Качмазовпен таласады. Оны жеңсе, негізгі турнирге жолдама алады.
Қазақстанның жас жұлдызы, 16 жастағы Амир Омарханов әлемнің 170-ракеткасы, ұлыбританиялық Дэниел Эвансқа жол берді – 4:6, 2:6.
Тағы бір қазақстандық, әлемнің 193-ракеткасы Денис Евсеев рейтингіде 208-сатыдағы ливандық Бенжамин Хассаннан айласын асыра алмады – 2:6, 4:6.
Дүйсенбі күні негізгі жарыс ойындары да басталады.
