Андрей Карпович «Елімаймен» келісім-шарт мерзімін ұзартты

Андрей Карпович «Елімай» футбол клубымен келісім-шарт мерзімін 2025 жылдың соңына дейін ұзартты. Бұл жөнінде Абай облыстық футбол федерациясы президентінің кеңесшісі Асқар Ұранхаев мәоім етті.

 Андрей Карпович - «Елімайдың» түлегі. Ол 1998-2000 жылдары семейлік клубтың намысын қорғап, ел чемпионы атанды.

Одан бұрын ол «Қайратта» бас бапкердің міндетін атқарушы, «Оқжетпес» пен «Қызылжарда» бас бапкер болды.

Сондай-ақ, 2022 жылы ел құрамасының Молдоваға қарсы екі ойынында бас бапкер міндетін атқарды.

Андрей Карпович футболшылық мансабында 1998-2016 жылдар аралығында еліміздің бірқатар клубы мен Ресейдің «Ростов», «Динамо» командаларының жейдесін киді.

Еске салсақ, ол жақында «Ақтөбе» командасының бас бапкері қызметінен кетті.

Ол 2022 жылдан бері ақтөбелік клубтың тізгінін ұстаған еді.