Ресми: «Астана» - «Челси» кездесуі Алматыда өтеді

Футболдан Нонференция лигасы негізгі кезеңіндегі «Астана» - «Челси» кездесуі Алматы қаласындағы «Орталық» стадионда өтеді.

Бұл жөнінде Туризм және спорт вице-министрі Серік Жарасбаев мәлім етті.

Жеребе нәтижесімен қазақстандық клубқа Англияның «Челси», Кипрдің АПОЭЛ және «Пафос», Португалияның «Витория» (Гимарайнш), Уэльстің «Нью-Сейнтс» және Сербияның ТСЦ командалары қарсылас атанды.

Елордалық ұжым өз алаңында 28 қарашада «Витория», 12 желтоқсанда «Челси» командаларын қабылдайды.

Ал 24 қазанда сырт алаңда «Нью-Сейнтс», 7 қарашада «Пафос», 19 желтоқсанда АПОЭЛ клубтарымен кездеседі.

Астаналық клуб қазірге дейін Сербияның 3 қазанда ТСЦ клубын 1:0 есебімен жеңсе, Уэльстің «Нью-Сейнтс» командасына 0:2 есебімен есе жіберді.