Конференция лигасы: «Астананың» бүгінгі қарсыласы туралы не білеміз? 

Бүгін елордалық «Астана» Конференция лигасы жалпы кезеңінің 3-туры аясында сырт алаңда Кипрдің «Пафос» командасымен кездеседі.

«Пафос» командасы өзімен аттас қалада «АЭП Пафос» және «АЕК Куклиа» командаларының бірігуі нәтижесінде 2014 жылы құрылған. Былтыр өз тарихында алғаш рет Кипр кубогын жеңіп алды. 

Кипрлік клуб еурокубоктағы жорығын Еуропа лигасы бірінші іріктеу сатысынан бастады. Бұл жолы өз алаңында Швецияның «Эльфсборг» командасы 2:5 есебімен жол берсе, сырт алаңда 0:3 есебімен есе жіберді.

Одан кейін Конференция лигасында Литваның «Жальгирис Вильнюс» (1:2, 3:0), Болгарияның ЦСКА 1948 (1:2, 4:0), Румынияның ЧФР (0:1, 3:0) клубтарын қапы қалдырды.

Ал Конференция лигасы негізгі кезеңінде Молдованың «Петрокуб» командасын (4:1) есебімен жеңсе, Германияның «Хайденхайм» командасына (0:1) жеңіліп қалды.

Кездесу қазақстандық уақытпен 22.45-те басталып, «Qazsport» телеарнасынан тікелей эфирде көрсетіледі.