Еркін Тапалов – «Қайрат» ойыншысы

«Қайрат» футбол клубы Қазақстан құрамасының ойыншысы Еркін Тапаловпен келісімшартқа отырғанын хабарлайды.

Келісім 2025 жылдың соңына дейін бір маусымға ұзарту мүмкіндігімен бірге есептелген.

• Туған күні: 3 қыркүйек 1993 ж.

• Позициясы: тіреуіш жартылай қорғаушы, қапталдағы қорғаушы

• Бойы: 180 см

• Салмағы: 77 келі

Еркін – оралдық «Ақжайық» түлегі. Ол кәсіпқой мансабын 2011 жылы туған клубында бастап, онда тоғыз маусым ойнады. Оған қоса «Жетісудың», «Каспийдің», «Шахтёрдің», «Тұранның», «Қызылжардың» намысын қорғаған. Қазақстан Премьер-лигасында жалпы 197 матч өткізген.

Тапалов осы маусымды қостанайлық «Тобылда» өткізіп, барлық турнирде 27 матч ойнап, 2 гол соғып, 4 нәтижелі пас берді.

Жартылай қорғаушы 2019 жылы Қазақстан құрамасы сапында дебют жасап, содан бері ұлттық құрамада 17 матч өткізген.