5 сағат бұрын
«Ордабасының» жасөспірім футболшылары Грузиядағы турнирде үшінші орын алды
Фото: «Ордабасы» футбол командасы
«Ордабасы» командасының 2009 жылғы жасөспірім футболшылары Грузияда өткен турнирде 3-ші орын алды.
Турнир 11-20 қараша аралығында Тбилисиде, Сулаквелидзе академиясының алаңдарында өтті. Жарысқа 8 команда қатысты.
Шымкенттік команда топта 2-ші орынға ие болды. Олар «Selero» командасын 5:2, ФК «Gidany» командасын 11:1 есебімен жеңіп, турнир жеңімпазы болған «Wit Georgia» командасына 1:2 есебімен есе жіберді. 3-ші орын үшін өткен матчта команда Сулаквелидзе академиясының құрдастарын 7:1 есебімен жеңді.
Турнир қорытындысы бойынша, Берикбай Диар 7 гол соғып, үздік сұрмерген атанды. Үздік шабуылшы – Турдах Адильбек, ал үздік жартылай қорғаушы – Абдиразаков Диярбек болды.
