8 сағат бұрын
Бахтиёр Зайнутдинов жарақат алды
Бұл жайлы «Бешикташтың» директоры Халим Окта хабарлады.
«Зайнутдинов жарақат алды. Сондықтан «Аланияспорға» қарсы матчтың 70 минутында оны алмастырдық. Қазіргі уақытта жарақаты жайлы нақты мәлімет жоқ. Барлығы медициналық тексерістен өткеннен кейін белгілі болады» деді ол.
Бахтиер Зайнутдинов ыстанбұлдық клубпен 2023 жылдың 18 тамызында келісімшартқа қол қойды. Ол 2027 жылдың 30 маусымына дейін жаңа командасы құрамында ойын көрсете алады.
Бактиер Зайнутдинов 1998 жылдың 2 сәуірінде дүниеге келген. Бұған дейін қазақстандық «Тараз», «Астана», Ресейдің «Ростов» және ЦСКА командаларының намысын қорғады.
