Виктор Брага – «Тобыл» ойыншысы

Бразилиялық футболшы жаңа маусымда «сары-жасылдардың» намысын қорғайды.

Брага кәсіби мансабын Бразилияның «Авенида» клубында бастады. Одан ары «Санта-Круз», «Сантос» және «Лондрина» сияқты жергілікті командаларда доп тепті.

«Тобылға» дейін жартылай қорғаушы ҚПЛ-да «Ордабасы», «Мақтаарал» және «Жетісу» клубтарында өнер көрсетті. Қостанайлықтар сапына Венгрияның «Дебрецен» командасынан қосылды.

Мамандардың пікірінше, Виктор Браганың интеллекті жоғары, сондай-ақ ойынды «оқи біледі». Ол доппен еркін қимылдап, «екінші қабатта» да озық шығып жүр. Қарсы шабуылды жылдам ұйымдастыра алады. Брага қыспақ кезінде де допты сенімді ұстай біледі.

Туған күні: 18 сәуір 2001

Бойы: 178 см

Салмағы: 83 келі

Позициясы: жартылай қорғаушы

Азаматтығы: Бразилия