21.01.2025
Қазақстандық маман Еуропа Лигасы матчына делегат болып тағайындалды
Фото: ҚФФ
Қазақстан футбол федерациясының операциялық директоры Александр Кеплин УЕФА Еуропа Лигасының «Бешікташ» пен «Атлетик» арасындағы матчына делегат болып тағайындалды.
Ойын 22 қаңтар күні сағат 20:30-да Түркияның Стамбұл қаласындағы «Бешікташ Парк» стадионында өтеді.
Александр Кеплин – Қазақстан футбол федерациясының операциялық директоры. Ол 2018 жылдың наурыз айынан бастап УЕФА матчтарының делегаты болып келеді.
Бұл ойынды Аустриядан келген төрешілер басқарады. Бас төреші – Юлиан Вайбергер, ал оған Андреас Хайденрайх пен Максимилиан Колбитш көмектеседі.
Айта кету керек, УЕФА делегаты – бұл матчтағы УЕФА-ның ресми өкілі. Ол ойын алдындағы ұйымдастыру жиындарын басқарып, ойыннан кейін баға береді және матчтың спорттық, инфрақұрылымдық және қауіпсіздік аспектілерін үйлестіру жұмысымен айналысады.
Біздің серіктес: 200 000 фрибетті ұтысқа саламыз – арнаға жазыл және батырманы бас
