Нұралы Әліп еуропалық клубтардың назарында

Қазақстандық қорғаушыға еуропаның үздік бес чемпионатында ойнайтын клубтар көз тігіп отыр, деп хабарлайды «СБГ Шоу» ютуб арнасы.

Дереккөз жариялаған мәліметке сәйкес, Қазақстан құрамасы мен «Зенит» футбол клубының қорғаушысына «Монако» (Франция), «Вильярреал» (Испания) және «Рома» (Италия) сынды еуропалық клубтар қызығушылық танытып, Әліп туралы ақпарат жинап жүр екен.

Бірақ санкт-петербургтік ұжымға Нұралы бойынша аталған клубтардан әлі ресми ұсыныс түспеген.

Еске сала кетейік отандасымыз тамыз айында «Зенитпен» келісімшартын 2028 жылға дейін ұзартқан болатын. Әліп РПЛ-дың ағымдағы маусымында 12 матчта алаңға шығып, 1 мәрте қақпа торын тулатқан.