Чемпиондар лигасы: Плей-оффқа жолдама алған екінші клуб белгілі болды

21 қаңтардан 22 қаңтарға қараған түні Чемпиондар Лигасы 7 турының бірінші ойын күні мәресіне жетті.

Түнеугүні «Барселона» қонақта «Бенфика» клубына қарсы ғаламат камбэк жасап (4:5), 1/8 финал жолдамасын еншіледі.

Осыған дейін мерсисайдтық «Ливерпуль» плей-оффқа шыққан алғашқы клуб атанған болатын.

Ал бүгін аталмыш турдың екінші ойын күні. Турдың басты кездесуі «ПСЖ» мен «Манчестер Сити» арасында өтеді. Турнирлік кестеде аталған қос ұжымның да жағдайы мәз емес. Франциялық команда 26 орынға табан тіресе, ағылшындық клуб 24 орынға тұрақтаған. Екі командаға да ұпай ауадай қажет. Не болса да, алпауыттар арасында тартысты кездесу болары сөзсіз.

Назарларыңызға бүгін өтетін матчтар кестесін ұсынамыз:

22:45. «РБ Лейпциг» — «Спортинг»

22:45. «Шахтер» — «Брест»

01:00. «Селтик» — «Янг Бойз»

01:00. «Фейеноорд» — «Бавария»

01:00. «Милан»— «Жирона»

01:00. «ПСЖ» — «Манчестер Сити»

01:00. «Спарта Прага» — «Интер»

01:00. «Реал Мадрид» — «РБ Зальцбург»

Ұлттық арна «Реал Мадрид» — «РБ Зальцбург» матчын, ал Qazsport арнасы «РБ Лейпциг» — «Спортинг» және «ПСЖ» — «Манчестер Сити» ойындарын тікелей эфирде көрсетеді.