Абат Айымбетов ойнайтын клуб бас бапкерсіз қалды

Түркиялық «Аданадемирспор» клубының бас бапкері Мұстафа Дальчи қызметінен кетті.

Бұл туралы клуб әлеуметтік желісінде жариялады. Аталған жазбада команданың баспасөз қызметі келісімшарттың қос тараптың шешімімен бұзылғанын хабарлады. Сондай-ақ ұжым түрік маманына үлкен алғысын білдіріп, алдағы мансабына табыс тіледі.

Дальчи «Адана Демирспор» тізгінін өткен жылдың 29 қазанында қолға алған. Осы аралықта команда 10 ойында 3 рет жеңіске жетіп, 7 мәрте жеңіліс тапқан. Аталған клуб Түркия Суперлигасының биылғы маусымында 20 ойында, 5 қана ұпай жинап турнирлік кестеде соңғы орында келеді.

Еске салсақ, аданалық клуб намысын қазақстандық Абат Айымбетов өткен жылдан бері қорғап келеді. Отандасымыз Түркия суперлигасының осы маусымында 15 матч өткізіп, 3 мәрте мергендігімен көзге түсті.

Біздің серіктес: Бізге тіркел!