7 сағат бұрын
Қазақстан футболындағы маңызды матчтарға шетелдік тәжірибелі төрешілер шақырылады
Фото: ҚФФ
Қазақстан футбол федерациясы вице-президенті Давид Лория федерацияның баспасөз қызметіне берген сұхбатында чемпионаттағы маңызды матчтарға ФИФА санатындағы шетелдік төрешілерді шақыру мүмкіндігі қарастырылатынын айтты.
- Алдағы уақытта чемпионаттың маңызды матчтарына ФИФА санатындағы шетелдік төрешілерді шақыру мүмкіндігін қарастырамыз. Сондай-ақ клубтардың төрешілікке қатысты пікірі мен ұсынысын білу үшін ауқымды сауалнама жүргіземіз. Біз үшін чемпионатқа қатысушылардың төрешілердің жұмысы, дайындығы мен біліктілік деңгейі туралы пікірі маңызды. Зерттеудің қорытындысына қарай төрешілік сапасын жақсартып, әділдікті қамтамасыз ету үшін кешенді шаралар қабылдаймыз, - деді Давид Лория.
