Кёрлингтен Қазақстан ерлер құрамасы Оңтүстік Кореяға есе жіберді

Бүгін Харбиндегі қысқы Азия ойындарында кёрлингтен ерлер Ұлттық құрамасы А тобында Оңтүстік Кореяға есе жіберді. Есеп: 2-12.

Біздің спортшылар 2-ші және 4-эндте таразы басын теңестірген. Алайда осыдан кейін біздің ойыншылар қарсыластың қарқынына төтеп бере алмады.

Біздің команданың құрамы: Абылайхан Жүзбай, Айдос Аллияр, Әділ Жұмағожа, Ермек Мұсайынов, Арман Ирджанов.

Еске сала кетейік, кеше ерлер командасы Қытайдың Тайпейімен кездесіп, жеңіске жеткен.

Ертең ерлер құрамасы Астана уақытымен 11:00-де Қырғызстанмен шеберлік байқасады.

Біздің серіктес: «Ойна, болжа, қатыс!»