Бразилиялық ойыншы футболдан мәңгілікке шеттетілуі мүмкін

«Вест Хэм» клубының жартылай қорғаушысы Лукас Пакета футболдан өмір бойына шеттетілуі мүмкін.

Бразилиялық футболшыға матч барысында бәс тіккен достары мен туыстарына көмектесті деген айып тағылып отыр.

2023 жылы Пакета АПЛ аясындағы «Астон Виллаға» қарсы өткен ойында сары қағаз алған болатын. VEJA, ESPN және Daily Mail сынды беделді басылымдар бұл жағдайдың кездейсоқ екеніне күмән келтіреді. Олардың пайымдауынша, бұл Пакетаның ағасына жасаған «сыйлығы» болуы мүмкін.

Қауесеттерге сенсек, Пакетаның ағасы оның сары қағаз алатынына бәс тігіп, теңгеге шаққанда 59 890 665 қаржы ұтып алған.

Айта кетейік, 27 жастағы жартылай қорғаушы осы маусымда 25 матчқа қатысып, 5 гол соққан.

Біздің серіктес: «Ойна, болжа, қатыс!»