Ферран Торрес Англияға оралуы мүмкін

Англияның «Челси» клубы «Барселона» шабуылшысы Ферран Торресті өз құрамына қосуды жоспарлап отыр.

Лондондықтар испаниялық футболшы үшін €30 миллион көлемінде ұсыныс жасауға дайын.

Қазіргі уақытта «Барселона» ойыншыны сатуға қаншалықты дайын екені белгісіз. Каталониялық клуб қаржылық қиындықтарға тап болғандықтан, кейбір ойыншыларын трансферге қоюы мүмкін.

Ферран Торрес 2022 жылы «Манчестер Ситиден» «Барселонаға» ауысып, команда құрамында тұрақты ойын көрсетіп келеді. Алайда, «Челси» оның шабуыл шебін күшейте алатынына сенімді.

Трансфер бойынша келіссөздер жақын арада басталуы мүмкін. Егер екі клуб ортақ келісімге келсе, Ферран Торрес жазғы трансферлік кезеңде «Челсидің» жаңа ойыншысы атануы ықтимал.

Райан Тұрсынбек